succession de Guillaume Cohon 1615 - f°13 de 17
: qui eschera le .... dedans six moys après le choysie d'yceulx la somme de cinquante livres tournois de retour de partaige; Celluy ou ceulx à qui eschera le segond lot payera et acquittera pour le tout touttes les charges cens rentes et debvoyrs que peuvent debvoyr lesdites choses de son lot ensemble ce que pouroyent debvoyr ledit jardrin neuf et les cinq bouesselées de la piecze de la Grée qui sont au dernier lot sans que celluy ou ceulx qui auront ledit denier lot soyent tenuz y contribuer d'aulcune chose,et oultre ceulx qui auront ledit segond lot payeront une foys seullement à celluy ou ceulx qui auront ledit troisiesme lot au dedans six moys après la choysye desdits présents lotz la somme de cinquante livres tournois pour retour de partaige; Celluy ou ceulx à qui eschera ledit troysiesme lot payeront et acquitteront pour le tout touttes les charges cens rentes et debvoyrs que peuvent debvoyr lesdites mayson court jardrin de Craon et vignes des cloux de la pré et des Gaulleryes et pranderont et recepveront de retour de partaiges scavoir de ceulx qui auront le premier lot cinquante livres et de ceulx qui auront le segond lot aultre et pareille somme de cinquante livres tournois une foys payée comme dict est